Hajiya Maryam Sani Abacha Ta Yaba Sakin Al-Mustapha

Uwargidan tsohon shugaban kasar Najeriya Maryam Sani Abacha ta bayyana farin cikin sakin Majo Hamza Al-Mustapha babban dogarin janar Sani Abacha, bayan ya shafe shekaru 14 a gidan yari.

Sakin Al-Mustapha ya biyo bayan soke hukumcin kisa da kotun daukaka kara tayi jiya karkashin jagorancin mai shari’a Rita Pamu wadda ta wanke Mojo Hamza Al-Mustapha da kuma Lateef Shofolahan da ake tuhuma da kisan Kudirat Abiola, matar hamshakin tsohon dan kasuwar kuma da ya tsaya takarar shugaban kasa Mohood Abiola.

A cikin hirarsu da wakilinmu Saleh Shehu Ashaka jim kadan bayan sanar da sakinsu Hajiya Maryam Sani Abacha ta kuma yi addu’a Allah ya tabbatar da zaman lafiya da ci gaban Najeriya.