A yayinda ake cigaba da saye da sayarwan ‘yan wasan kwallon kafa na duniya, musamman a nahiyar turai, mai horar da kungiyar kwallon kafa ta Arsenal Arsene Wenger, ya shaida wa dan wasan gaban kungiyar Alexis Sanches, cewar ba zai sayar dashi wa wata kulob dake kasar Ingila ba, dan wasan dai a jiya ya Koma filin motsa jiki da kungiyarsa ta Arsenal.
Manchester United na zawarcin dan wasan baya na gefen dama daga kungiyar PSG mai suna Serge Aurier mai shekaru 24 a duniya.
Leicester City ta kammala sayen dan wasan gaba na Najeriya mai taka leda a Manchester City, Kelechi Iheanacho akan kudi fam miliyan £25 inda yanzu haka yaje duba lafiyarsa kafin fara murza leda a kungiyar.
Barcelona tana bukatar sayen Dembele, daga Borussia Dortmund ko Paulo Dybala, na kungiyar Juventus don maye gurbin dan wasanta Neymar in har ya Koma PSG.
Chelsea tana zawarcin dan wasan gefe na Inter Milan, Antonio Candreva dan shekaru 30, inda ita kuwa Inter Milan tana sha'awar sayen dan wasan gaba na Liverpool Sadio Mane,
Ita kuma Liverpool tana neman sayen dan wasan tsakiya daga Monaco mai suna Thomas Lemar, wanda Arsenal ke zawarcin sa a bana.
Facebook Forum