Yayinda ake dab da rufe hada hadar ‘yan wasan kwallon Kafa na duniya a watan janairu na wannan shekarar da muke ciki, Kungiyar kwallon Kafa ta Manchester City ta kammala sayen dan wasan baya na Kungiyar Athletic Bilbao, mai suna Aymeric Laporte, akan kudi fam miliyan 57 inda ya kasance danwasa na biyu mafi tsada a bangaren masu tsaron baya.
Dan wasan gaba na Chelsea, dan kasar Belgium Batshuayi, na shirin komawa kungiyar kwallon Kafa ta Borussia Dortmund, a matsayin aro inda hakan zai bada dama ga kungiyar na sayar da Emerick Aubameyang, ga kungiyar Arsenal.
Watford na tattaunawa kan sayen dan wasan gefe na Barcelona Gerard Deulofeu mai shekaru 23 da haihuwa wanda kungiyar Roma da Inter Milan da kuma Napoli, ke muraradin ganin sun mallakeshi. Manchester united, ta jera sahu wajan ganin ta dauko dan wasan tsakiya na Bayern Munich Arturo Vidal, dan shekaru 30 a duniya.
Arsenal ta ce zata amince da ta sayar da dan wasan ta Olivier Giroud, ga kungiyar Chelsea in har kungiyar ta tuntubi dan wasan mai shekaru 31 inda a karon farko Arsenal ta saka fam miliyan £35 kan sayensa Swansea city tana shirin fam miliyan £18 kan sayen dan wasan Westham, dan kasar Ghana, Andre Ayew kafin wa'adin saye da sayarwa ya cika.
Westbromwich ta dauko dan wasan gaban Liverpool Daniel Sturridge, a matsayin aro zuwa karewar kakar wasannin bana, Sturridge ya jefa kwallaye 74 a wasannin 114 da yabuga a Firimiya lig, sai dai a bana dan wasan ya buga wasanni biyar ne kacal a kungiyar ta Liverpool, Kungiyar Real Madrid tana bukatar dauko Mai horas da kungiyar kwallon Kafa ta Tottenham Mauricio Pochettino, da ya zame mata Kocin kungiyar nan gaba.
Facebook Forum