A maraicen ranar Lahadin da ta gabata ne dai wasu abubuwa da ake zargin bama-bamai ne su ka fashe a yankin Kabala-West da ke Karamar hukumar Kaduna ta Kudu kana daga bisani aka sake gano wasu abubuwan fashewar a yankin Unguwan Romi sai dai an auna arziki saboda ba a yi asarar rayuka ba.
Kwamishinan tsaro da harkokin cikin gida na jihar Kaduna, Malam Samuel Aruwan ya ce gwamnatin jihar ta fitar da tsare-tsaren magance wannan matsala baki daya.
Tuni dai masana harkokin tsaro a Najeriya su ka fara nazarin wannan sabuwar matsala da ta fito a Kaduna. Manjo Yahaya Shinko mai ritaya ya ce akwai wasu abubuwan lura.
Wannan dai shine na farko tun bayan zaben wannan gwamnati ta jahar Kaduna a shekarar 2015 da aka sami fashe-fashen da gwamnatin ke ganin 'yan-ta'adda ne sanadi, saboda fashewar baya da aka taba samu a yankin sabon Tasha na masu sana'ar kayan da ke da nasaba da fashewar ne.
Saurari cikakken rahoton cikin sauti:
