WASHINGTON, DC —
Masu hasashen yanayi a nan Amurka suna kara jan hankalin jama’a dangane da matsalolin ambaliyar ruwa da za’a iya samu a tsakiyar kasar yau Talata.
Hukumar kula da yanayi ta bayyanar da cewar an samu matsananciyar guguwa a gabashin jihar Indiana da yammacin jihar Ohio a daren jiya, wadda ta lalata gidaje da hanyoyi.
Hukumomi na cigaba da nazarin irin barnar da guguwar tayi, amma dai har zuwa yanzu ba’a rasa rai ba.
Tun a makon da ya gabata ne ake ta fama da matsalolin ruwa da guguwa mai karfi a jihohin tsakaiyar Amurka, wanda aka rasa rayuka a cikinsu, wadanda suka hada da jihohin Missouri, Oklahoma, Iowa da Indiana.
Facebook Forum