WASHINGTON DC —
Ma’aikatar kiwon lafiya ta kasar Congo ta bada tabbacin mutuwar wani mutun guda wanda tace cutar Ebola ce takashe shi, wannan ya kawo adadin mutunen da aka tabbatar sun mutu sakamakon wannan cutar zuwa 12.
Wannan mutuwar dai ta faru ne a kauyen Iboko dake arewa maso yammacin gundumar Equateur.
Ma’aikatar kiwon lafiyar ta ce haka kuma akwai wasu mutane 4 da ake zaton suna dauke da wannan cutar a gundumar.
Yanzu kasar tana da mutane 35 da aka tabbatar suna dauke da cutar. Yau Litinin din nan cikin yarda Allah, za’a kaddamar da yin alluran rigakafin Ebola a yankunan Bikora da Iboko a lardin Equateur
Facebook Forum