China ta kira kama Meng Wanzhou babbar jami’ar kudi na katafaren kamfanin sadarwa na Huawei da mummunar al’amari kuma tana kira ga Amurka ta soke batun mikata bisa zarginta da karya dokokin Amurka da ta hana yin kasuwanci da kasar Iran.
Mataimakin ministan harkokin wajen China Le Yucheng ya gayyaci jakadar Amurka Terry Branstad ne wuni guda bayan ganawa ba jakadar Canada John McCallum domin kalubalantar kama Meng bisa bukatar Amurka a filin saukar jiragen sama a Vancuoveer a ranar daya ga watan Disamba.
Ma’aikatar harkokin wajen China ta fada a cikin wata sanarwa Le ke fadawa Branstad cewa abin da Amurka tayi babban take doka ne da kuma take ‘yancin ‘yar China nan kuma al’amarin ya yi matukar muni.
China tayi kira ga Amurka ta gaggauta daukar matakin ingata kura kuran da tayi kuma ta janye takardar kama ‘yan kasar China.
Facebook Forum