Shugaba barack Obama na Amurka yana shirin gabatar da jawabi ga duniya domin bayyana cewar Ajmurka ta kashe mutumin da aka fi nema ruwa a jallo a duniya, Osama bin Laden, kuma gawarsa tana hannun Amurka a yanzu haka.
Wannan al'amari zai zo kusan shekaru 10 a bayan mummunan harin da 'yan al-Qa'ida suka kawo kan Amurka a ranar 11 ga watan Satumbar 2001.
Wasu majiyoyin kafofin labarai na Amurka su na fadin cewa an kashe Osama bin Laden cikin wani gida a bayangarin Islamabad, babban birnin Pakistan.
