Kwararru a fannin yanayi sun ce, a wani dan lokaci, yanayin zafin a birnin Washington gundumar kwalambiya, zai kasance kamar na yankin hamadar Death Valley na jihar California mai matsanancin zafi.
Yawancin yan kunan Amurka na fuskantar matsanancin yanayin zafi yanzu haka.
A arewa maso gabashi da tsakiyar yammacin kasar, yanayin a ma’aunin gwaji ya riga ya hau sosai, kuma ana sa-ran zai iya karuwar da ba’a taba gani ba a cikin karshen makon nan. An riga an gargadi jama’a akan su yawaita shan ruwa a lokacin.
Sai dai kwararru a fannin hasashen yanayi sun ce Amurkawa sama da miliyan 87 ke zama yankunan da ta yiwu yanayin zai tsananta zuwa ranar Asabar.
Ana sa ran yanayin zafin a Washington DC, babban birnin kasar zai kai maki 43.3 a ma’aunin Celsius.
Facebook Forum