Kamaru ta doke Najeriya da ci 1-0 a wani wasan sada zumunta da aka yi a ranar Jumma’a, biyo bayan wata dama da Andre-Frank Zambo Anguissa na kulob din Fulham ya samar.
Zambo ya zura kwallonsa ne a minti na 37. 'Yan wasan na Najeriya sun zubar da dama da yawa yayin wannan karawa.
Duka kasashen biyu sun haye matakin cancantar shiga gasar cin kofin kasashen Afirka, kuma a yanzu za su yi kokarin kara azama ne don gasar wadda za a yi a farkon shekarar badi.
Kulub din biyu za su sake haduwa ranar Talata 8 ga watan Yuni don yin wani wasan sada zumunta.
Karin bayani akan: kofin kasashen Afirka, Fulham, Kamaru, Nigeria, da Najeriya.
