Tsohon jarumin masana’antar fina-finai ta Bollywood Irfan Khan, wanda yayi fice a duniya kan rawar da ya taka a fina-finan “Slumdog Millionaire” da Life of Pi” ya mutu yana da shekaru 54 a duniya.
Mai Magana da yawunsa ya ce, Khan ya mutu yau Laraba a Asibin Mumbai, inda aka kwantar da shi tun farkon wannan makon kan wata cuta da ta shafi babban hanjin cikinsa. An dai yiwa Khan aiki a Birtaniya bayan da aka gano yana da wata nau’in cutar daji a shekarar 2018.
Shi dai dan asalin Rajasthan ne dake yammacin India, ya kuma shiga harkar shirya fina-finai a shekarar alif 988 inda ya fara da wasan drama na “salaam Bombay.” Khan ya zamanto tauraron jarimi a fitattun fina-finan Bollywood, ciki har da “The Namesake” da “The Lunchbox” da kuma “Paan Singh Tomar” wadanda suka sa ya samu lambar yabo ta India, wato fitaccen jarumi na shekarar 2012.
Facebook Forum