Kamfanin Facebook ya bayyana cewar zai fara tantance gidajen jaridu, da daukar gidajen da sukafi shahara wajen bayyayana labarai masu tushe. Wannan yunkurin ya biyo bayan kokarin kamfanin na yaki da labarai da basu da tushe.
Kamfanin ya bayyana cewar zai nemi ra’ayoyin mutane da suke mu’amala da shafin wanda suke da mutane sama da billiyan biyu a fadin duniya.
Za’a baiwa mutane damar bayyana ra’ayoyinsu akan gidajen jaridu da suke fadin gaskiya komi dacin ta, kana gidajen jaridun masu fadar labarai masu tushe.
Duk gidajen jaridu da aka samesu da bayyana labarai marasa tushe, kamfanin na Facebook ya dau alwashin rufe shafukan gidajen jaridar a shafin sa.
Wannan wata hanya ce da za’a magance labarai marasa tushe, da wasu kanyi amfani da shafin wajen yadasu. A cewar shugaban kamfanin Mark, akawai labarai da basu da tushe kuma suna yaduwa a shafin na facebook.
Don haka lokaci yayi da kamfanin zai fara tankade da rai-raya na tushen labarai.
Facebook Forum