Tsohowar Kungiyar kwallon kafa ta Flying Flamingo dake cikin garin Bauchi zasu kece raini da kungiyar kwallon kafa ta Bakari Old Starts suma na garin Bauchi a gasar cin kofin Dogarin gwamnan Bauchi SP ADO karo na biyu.
Kungiyar Flamingo ta kunshi manya manyan tsofaffin 'yan wasan kwallon kafa da suka yi suna a Najeriya irin su Pascal Patrick, tsohon dan wasan Super Eagles, wanda ya halarci gasar Olympic a kasar Amurka a shekara ta 1996 da Ibrahim Umar, da Ya buga wa Golden Eaglet a Shekara 1994
Sauran 'yan wasan da zasu fafata a wasan sun hada da Tsohon kaftin na Wikki Tourist, Yakubu Yankari, da Iliya Arrow, da Ahmad Captain, wanda ya buga wa Kungiyar kwallon kafa ta CBN, a shekarun baya da kuma Shehu Adamu, na kwalejin Tatari Ali, dake cikin garin Bauchi.
Har ila yau akwai wasu manya manyan 'yan wasan kwallon kafa da suka shahara a fagen tamola shekarun baya.
Za'ayi wasanne Gobe Jumma'a 18/11/2016 da misalin karfe 4:00 na yamma a filin kwallon kobi, dake cikin garin Bauchi, inda ake sa ran manyan baki daga bangaren Gwamnati zuwa masoya kwallon kafa a fadin kasannan baki daya.
