Kwach na kungiyar kwallon kafa ta FC Barcelona, Luis Enrique, ya kwatanta Usain Bolt dan kasar Jamaica da Lionel Messi, inda yace ba a taba yin dan tsere kamarsa ba a tarihin duniya.
Bolt, mai shekaru 29 da haihuwa, ya doke Justin Gatlin ya lashe lambar zinare a tseren mita 200 na duniya a birnin Beijing, a karo na 4 a jere. Kwach din na Barcelona y ace kamar yadda Messi yake ga kwallon kafa a duniya, haka Bolt yake ga wasannin tsere.
Ya fadawa ‘yan jarida cewa, “ana iya kwatanta Messi da Bolt. A duk tarihin duniya, ba a taba yin dan tsere kamar Bolt ba, haka ma a gani na a duk duniya ba ataba yin dan wasan kwallon kafa kamar Messi ba.
A can wani gefen dai, kungiyar FC Barcelona zata kara da Bayer Leverkusen da Roma da kuma BATE Borisov a zagayen farko na gasar cin kofin zakarun kulob kulob na Turai, kuma Enrique y ace ya kosa ya fara kare wannan kofi da kungiyarsa ta lashe a bara.
