Matsala daga ‘yan kallo ta sanya an dakatar da wasa na wani dan lokaci a kunnen dokin da Italiya ta yi da Croatia jiya lahadi a wani wasan share fagen cin kofin Turai ta 2016, EURO 2016.
Alkalin wasa Bjorn Kuipers ya tasa keyar ‘yan wasa suka fita a kusa da karshen wasan, bayan da aka cilla knockout masu yawa a tsakiyar fili.
Daga baya an komo an ci gaba, amma babu daya daga cikin biyun da ta samu sukunin kara kwallo cikin raga. Dukkansu biyu sun shiga wasan na jiya lahadi kowacce ta lashe sauran kungiyoyin dake wannan rukuni nasu, watau makinsu daya.
Italiya ta fara jefa kwallo ana minti 11 da fara wasa a lokacin da Antonio Candreva ya jefa kwallon farko a ragar Croatia tun da aka fara wasannin share fagen. Amma minti 4 kacal da wannan, Ivan Perisic ya rama wa ‘yan Croatia.
