Lokutan Shirye-Shiryenmu

Kullum da karfe 6 na safe agogon Najeriya da Nijar muna gabatar da labarai da rahotanni da dumi-duminsu, sannan mu na gabatar da wasu shirye-shirye kamar Noma da Lafiya Uwar Jiki.

Mu kan komo da karfe 8 na safe agogon Najeriya da Nijar domin sake gabatar muku da labarai da hirarraki, da sharhin jaridu kama daga Najeriya zuwa Nijar har Ghana, da kuma ra’ayoyinku.

Da karfe 4 na yamma agogon Najeriya da Nijar zaku iya jin rahotanni da labarai da dumi-duminsu daga kowace kusurwa ta duniya, musamman ma dai muhimman abubuwan da suka faru, ko suke faruwa a kusa da ku a wannan rana.

Kallabi wani sabon shiri ne kacokan kan mata, daga mata, a bakin mata, wanda Sashen Hausa na Muryar Amurka ya kirkiro don maida hankali ga baki daya akan harakokin mata, musamman a kasashenmu na Afrika. Shirin na duba rawar mata da kalubalensu ne a fannoni daban-daban na rayuwa.