Da yake magana a taron manema labari a Abuja, kakakin rundunar ‘yan sandan Mr. Jimoh Moshood, ya ce zaratan ‘yan sandan sun ragargaji ‘yan bindigar a dajin Maga, dake karamar hukumar Birnin Magaji a jihar ta Zamfara.
Kakakin ‘yan sandan na Najeriya, yace sun kashe kimanin ‘yan bindiga dari da hudu, sun kuma rugurguza sansanonin su guda hamsin, kana sun kwato tumaki 500, da shanu 79 daga ‘yan bindigar, amma abin bakin ciki mun rasa dan sandan mu guda daya, kana kuma wasu zaratan ‘yan sanda 12 sun samu raunuka a artabun da mukayi.
Mr. Jimoh yace sun kuma kama ‘yan bindiga guda 85, da kuma manyan bindigogi 27 da kananan bindigogi kirar gida guda hamsin.
An kuma kwato karin shanu dari biyu da saba’in da tara da karin tumaki dari da tara, kuma tuni an mikasu ga masu dabbobin.
Ga rahoton wakilin sashen Hausa na Muryar Amurka Hassan Maina Kaina da cikakken bayani.
Your browser doesn’t support HTML5
Yan Sandan Najeriya Sun Kashe Yan Bindiga 104 a Jihar Zamfara