Tawagar 'yan wasan Najeriya ta Super Falcon ta yi rashi nasara a hannun Faransa da 1-0 a wasan karshe na rukunin A da ake ci gaba da yi na cin kofin duniya na mata a Rennes.
Za su jira har sai an kammala sauran wasannin kamun su san makomarsu, ko dai su samu shiga cikin kungiyoyi hudu da suka taka rawa sosai da suka kare a matsayi na uku.
'Yan wasan Najeriya sun hadu da alkaliyar wasa 'yar kasar Honduras, Melissa Borjas, bayan da ta yanke hukuncin sake buga bugun daka kai sai mai tsaron gida, saboda mai tsaron ragar Najeriya ta haura kan layi a lokacin da Najeriya ta ke buga wasa da Faransa a rukunin A, a gasar cin kofin duniya na 2019 da ake yi a kasar Faransa.
An dai buga wasan ne a filin wasa na Roazhon Park a Rennes da ke kudancin Faransa. Yau za’a buga wasa a rukunin C, da ya hada da Italy vs Brazil, Jamica vs Australia.