'Yan bindiga sun yi garkuwa da Charles Mato, Sum Pyem din garin Gindri. Jami'an tsaron jihar sun ce an kaddamar da binciken gano inda yake da ceto shi.
WASHINGTON, DC —
A yau Lahadi ne wasu ‘''yan bindiga suka sace basarake Charles Mato daga gidansa da ke garin Gindiri a karamar hukumar Mangu a jihar Filato.
Manjo Ishaku Takwa, jami'in yada labarai na rundunar sojin wanzar da zaman lafiya da ake kira Operation Safe Haven a jihar, ya tabbatar da aukuwar lamarin ga manema labarai a fadar gwamnatin jihar da ke birnin Jos, inda ya ce an yi garkuwa da Mato ne daga gidansa.
Takwa ya ce an tattara dakarun da ke aiki a yankin domin gudanar da bincike da kuma aikin ceto basaraken.
Wannan dai ba shi ne karon farko da ake samun irin wannan matsala ta garkuwa da sarakuna ba, sai dai a yanzu lamarin na dada kamari duk kuwa da kokarin da jami’an tsaro ke yi .