KADUNA, NIGERIA - Abdulwabid Ahmad ya bayyana cewa bayan dasa nakiya da ta kayar da jirgin, barayin sun yi musayar wuta da jami’an tsaron da ke raka jirgin, inda su ka fi karfin su har su ka kutsa cikin jirgin su na harbe-harbe da kuma ya kai ga sace fasinjoji da dama.
Fasinjan ya ce zuwa lokacin da Muryar Amurka ta yi hira da shi, an kirga mutum 9 da su ka rasa ran su ciki har da direban jirgin, inda wasu kuma su ka samu raunuka.
Ahmad ya ce shi ma a karkashin kujera ya buya ya na addu’a har lamarin ya lafa bayan an harbe wani fasinja a taragon da su ke ciki.
Ku Duba Wannan Ma Gwamnati Ta Tabbatar Da Mutuwar Mutane 34 A harin Da Aka Kai Kudancin KadunaHakanan ya ce maharan sun je da motoci su ka jidi mutane su ka kutsa cikin daji.
Sojoji, a cewar fasinjan, sun bukaci fasinjojin su kashe fitilar wayoyin su, da rage surutu har aka samu aka kubutar da su daga yankin mai hatsari.
Saurari cikakken bayanin cikin sauti daga Nasiru Adamu El-hikaya:
Your browser doesn’t support HTML5
Munji Ta Bakin Wasu Dake Cikin Jirgin Da ‘Yan Bindiga Suka Afkawa A Jihar Kaduna