Wata Kotun Tarraiya a Najeriya ta yanke hukuncin amshe kaddarorin da kamfanin P&ID ke da shi, a matsayin hukuncin laifuka yadda dokar kasa ta tanada, kamar yadda hukumar yaki da rashawa da bin diddigin yi wa kasa ta'annati wato EFCC ta yi.
Bayan wadan da ake zargi, Mohammed Kuchazi da Adamu Usman, wadanda su ne daraktocin Kamfani sun amsa laifin su, alkalin kotun tarrayya Edward Ekwo, ya yanke hukuncin karbe kadarorin Kamfanin P&ID a matsayin hukuncin laifuka kamar yadda doka ta tanada, kuma Kotu ta ce za a mikawa wa Gwamnatin Najeriya kaddarorin.
Laifukan da ake zargin su da aikata wa, sun hada da almundahanar kudade,,da yin amfani da ofishinsu ba yadda, da kuma yi wa kasa zagonkasa.
An kama Mohammed Kuchazi da laifuka 10, shi kuma Adamu Usman an kama shi da laifuka 11.
Abin jira a gani shi ne yadda zata kare, idan an mika wanan hukuncin ga kasar Ingila wace a gabanin wannan hukunci ta ci tarar Najeriya kudi Dalar Amurka Biliyan 9 da digo 6.
Ga cikakken rahoto daga wakiliyar Muryar Amurka Medina Dauda.
Your browser doesn’t support HTML5
Wata Kotun Tarayya Ta Yanke Hukuncin Anshe kaddarorin Kampanin P&ID