A yayin da ake sauran kwanaki kadan ga sallah karama tuni ‘yan mata da matan aure suka fara tururuwa zuwa gidajen wankin kai da kunshi domin fitowa shar da su a safiyar sallah karama.
DandalinVOA ya samu zantawa da Malama Zinatu wacce ta ce ta zo gidan wankin kai ne domin a yi mata Karin gashi duk don tarar bukukuwan sallah a cewarta domin ta birge mijinta a lokacin sallah duk kuwa da cewar a duk sati take kitso da yake amma da shike sallah ce ana yi mata karin gashi domin ta fito a safiyar sallah.
Khadija A Abubakar, kuwa cewa ta yi ta zo wash and set ne saboda karatowar bikin sallah karama kuma zata je amsar kayan sallah da ke wajen tela kuma daga nan zata je ayi mata kitso.
Sadiya Saminu, ita ma kamar sauran yara ta ce ta zo ne domin yin kitson sallah don ta sami damar zuwa kallon hawan sarki. Fatima Ahmad kamar kowa ta ce ta zo a wanke mata gashi ne domin karatowar bukukuwan sallah, bayan nan zata je ayi mata kitso da kumshi.
Daga karshe malama Hafsa Sabitu, mai gyaran gashi ta ce tun kwanaki uku da suka gataba ta fara samun cunkoson mutane duk don sallah karama ta ce tuni suka fara bude shagon tun sanyin safiya kuma suna jimawa a saloon din domin gyarawa mata gashi.
Your browser doesn’t support HTML5
Wankin Kai Da Kunshi Domin Fitowa Shar A Ranar Sallah