Shugaban kwamitin yada labarai na majalisar, Ali Al-Baba, ya tabbatar da faruwar lamarin. Ko da shike Al-Baba mai wakiltar mazabar Katsina a majalisar bai bayar da cikakken bayani game da rasuwar Kurami ba, ya ce shi da sauran ‘yan majalisar za su kai ziyarar ta’aziyya a garin Kurami da kuma mazabar Bakori na marigayi dan majalisar bayan taron bitar da suke yi a garin Kano.
Kurami dan majalisar wakilai ne na jam’iyyar All Progressives Congress wanda kuma ya lashe zaben fidda gwani na karshe na wakiltar mazabar karkashin jam’iyyar a zaben 2023 mai zuwa.
An zabi Kurami ne a matsayin dan majalisar dokokin jihar Katsina mai wakilai 34 a zaben cike gurbi na ranar 31 ga watan Oktoba, 2020, bayan rasuwar magabacinsa Abdurrazak Ismail Tsiga.
Marigayin ya bar mata biyu, ‘ya’ya 11, da jikoki uku.