Kungiyar tana son tantance irin gudummawar da zata bayar domin inganta zabukan kansiloli da na majalisun karkara da za'a yi a farkon shekarar dubu biyu da goma sha bakwai sun gudana cikin kyakyawan yanayi.
'Yan ba ruwanmu sun ce tawagar tana kasar ne ta duba zaben da aka yi can baya a kasar. Suna san su lalubo bakin zaren yadda za'a gyara kuskuren da aka yi a zabukan baya. Manufar ita ce a tabbatar cewa zabukan gaba sun fi na da kyau.
Mahalarta taron, wasun su sun ce zabukan na baya suna kawai suka tara amma ba inganci ba saboda haka a bar kaza cikin gashinta. Kokari za'a yi a gyara saboda gobe. A gyara kada Nijar ta lalace.
Kungiyar ta sanar cewa zata shirya wani taron karawa juna sani ta hada duka bangarorin siyasa da na fararen hular Nijar a nan gaba kadan domin fadakar dasu akan wasu mahimman dabaru da zasu taimaka wajen kaucewa kurakuran da zasu lalata zabe.
Ga rahoton Souley Barma da karin bayani.
Your browser doesn’t support HTML5
Tawagar Kasashen Renon Faransa Na Nijar Ta Tattara Bayanai Akan Zabuka - 2' 23"