Yau fa kwana shida kennan da kaddamar da dokar ta baci a jihohin Borno, Yobe da Adamawa, kuma sojojin Najeriya na cigaba da kutsawa cikin wadannan jihohi.
WASHINGTON, DC —
WASHINGTON, D.C - A jihar Adamawa, wakilimu Ibrahim Abdulaziz gane wa idannunsa wadannan sojoji, kimanin sojoji 200 wadanda za’a aika wurare dabam-dabam
Babban kwamandan rundunar soji na 23 dake Yola, Brigadier Janar Fatah Oladipo Ali ya karbi sojojin inda yayi musu kashedi, da suna sanin yakamata, saboda kaucewa wuce-gona-da-iri.
Kwamandan ya gargadi sojojin musamman, akan kar su zubar mutuncin sojan Najeriya.
Da misalin karfe uku na rana, wakilin Muryar Amurka a can Adamawa Ibrahim Abdulaziz ya ga mutane na kokarin komawa gida, saboda gudun kar lokacin shigowar dokar-hana-fita ya kama su a waje.
