WASHINGTON, DC —
Eden Hazard, na kungiyar kwallon kafa ta Chelsea, ya tashi tsaye, a kakar kwallon bana inji Koch din na Chelsea, Jose Mourinho.
Mourinho, yace an gabatar da sunan Hazard, dan shekaru ashirin da hudu, da haihuwa domin kasancewa dan wasan kwallon kafa da yafi fice a duniya.
Hakan ya biyo bayan rawar da Hazard ya taka ne na tabbatar da cewa Chelsea, ta kai, ga dare teburin frimiya lig.
A cewar Mourinho, muna so mu ci gasar lig, kuma shima Hazard, na son haka bawai zama dan wasan da yafi fice ne abun bukatar sa ba kawai.
Yace gabadaya ‘yan wasan na Chelsea, sun chanchanci wani abu na masamman domin rawar da suka taka.
Chelsea, dai tana gaba da maki bakwai masu kyau, kuma zata kara da Manchester United, a Stamford Bridge ranar asabar.