Bayanai na nuni da cewa dan wasan gaba na Paris St-Germain Neymar, za'ayi masa aikin tiyata a Kafarsa bayan da ya ji rauni a kafa da kuma yatsan ƙafar sa a yayin gasar Ligue 1 na kasar faransa ranar Lahadi tsakaninsu da kungiyar Marseille Inda suka doke Marseille daci 3-0.
Kungiyar ta Paris Saint-Germain ta ce za a yi masa aikinne a can kasar Brazil a karshen wannan makon. Sai dai wata majiyar na cewar Mahaifin Neymar, ya ce Neymar, na iya kaiwa sati shida zuwa takwas kafin ya dawo filin wasa.
Don haka dan wasan ba zai samu damar fafatawa a wasan da zasu yi da tawagar kungiyar kwallon Kafa ta Real madrid ba a wasan karo na biyu na cin kofin zakarun turai a can kasar faransa ranar 16/3/2018 inda a karawar su ta farko madrid ta samu nasarar doke PSG da kwallaye 3 -1.
Neymar, wanda ya zo Kungiyar Paris Saint-Germain daga Barcelona akan kudi yuro miliyan €222 ya buga wasanni 30 a PSG, ya samu nasarar jefa kwallaye 29.
Your browser doesn’t support HTML5
Rahotanni Sun Bayyana Irin Yanayin Da Neymar Ke Ciki