Da yake jawabi a yayin wannan buki d ya sami halartar jami'an gwamnatin Nijer jakade Eric Whitaker ya yabawa abinda ya kira kyakkyawar huldar dake tsakanin Nijer da Amurka, kasashen da yace suna da alkibla guda wajen aiyukan bunkasa demokaradiya, da ayyukan samarda tsaro, da habbaka tattalin arziki.
A watan Janairu ta wannan shekarar, 2018, gwamnatocin biyu suka kaddamar da wadansu manyan ayyukan inganta rayuwar jama’ar Nijer musamman a yankunan karkaka, ta hanyar wani shirin da ake kira MCCompact da aka warewa milyan 437 na dallar Amurka, banda miliyan 18 da Amurka ta talllafawa Nijer domin yaki da masassarar cizon sauro..
Matasa
Jamhuriyar Nijer na daga cikin kasashen dake kan gaban wadanda Amurka ke taimakawa matasa kamar yadda wadansu bayanai ke nuna cewa, matasan wannan kasa sama da 500 ne suka mori wani tsarin samarda madogara baya ga dimbin wadanda suka samu horo albarkacin shirin nan na YALI dake karfafawa matasan Afirka guiwa domin ciyarda al’umar wannan nafiya sama.
Ta'addanci
Jakaden Amurka a Nijar ya bayyana cewa,yaki da ta’addanci domin samarda tsaro a Nijer da sauran kasashe makwafta na daya daga cikin muhimman abubuwan da suke ciwa Amurka da kuma Jamhuriyar Nijar tuwa a kwarya a halin yanzu. Jakaden Eric Whitaker yace, gwamantocin kasashen biyu na da cikaken hadin kan da zai basu damar nasarar cimma wannan guri. Ya kuma jajantawa dukan jama’ar da suka rasa ‘yan uwansu a dalilin yaki da ta’addanci.
Ya kuma jadada cewa, Amurka za ta ci gaba da taimakawa wannan kasa a dukkan fannonin da ta saba yi dommin kyautata rayuwar jama’a…
Saurari rahoton da wakilinmu a birnin Yamai Souley Moumouni Barma ya aiko mana.
Your browser doesn’t support HTML5
Bukin Samun 'yancin kan Amurka-2:40"