A kasar ta Nijar jama'a na cigaba da tofa albarkacin bakinsu dangane da zaben Donald Trump a matsayin shugaban kasar Amurka na arba'in da biyar.
Wani Malam Isa ya fito karara yace basu ji dadin zaben na Trump ba saboda Hillary Clinton ta fi saukin lamari bisa Donald Trump. Yace duk wanda yake musulmi da mai kishin muslunci ba zai so abun da ya faru ba. Ya bayyana zai hana duk wani musulmi shiga Amurka. Hillary Clinton ta fi saukin lamari ta fi kuma sassauci ga musulmi da ma baki.
Kin zaben Hillary Clinton tamkar munafuncin amurkawa ne ya fito fili. Su ne suke zuwa Afirka su nunawa mutane babu banbanci tsakanin mace da namiji. Sun sha cewa lallai a dinga sa mata a harkokin siyasa a kasashen Afirka amma sai gashi su basu yi hakan ba. Ke nan mutanen Afirka suka rena. Sun gujewa akidar da suka cusawa Afirka.
Ga rahoton Haruna Mamman Bako da karin bayani.
Your browser doesn’t support HTML5
Nasarar Trump Bata Yiwa 'Yan Nijar Dadi Ba - 3' 41"