Abdullahi Dikko Inde wanda ya rike mukamin shugaban hukumar kwantan tsakanin shekara ta 2009 zuwa 2015, ya rasu yana da shekaru 61 a duniya.
An haifi Abdullahi Dikko ranar 11 ga watan Mayu a garin Musawa da ke jihar Katsina. Ya kuma kamala makarantar sakandare a shekara ta 1974 zuwa 1980 a kwalejin gwamnati ta Kaduna.
Tsohon shugaban hukumar Kwastan Abdullahi Dikko Inde
Ya yi karatun digiri na farko da na biyu a fannin ilimin kimiyya a jami’ar Dimitrov Apostle Tshenov, da Svishtov, a kasar Bulgaria.
Ya kama yi aiki a hukumar kwastan a shekarar 1988 inda ya rike mukamai daban daban da suka hada da shugabancin rundunonin hukumar a kan iyakar Seme, da jihar Imo da Badagry. Ya kuma zama babban jami’i mai gudanar da bincike kafin zaben shi shugaban hukumar a shekara ta 2009, mukamin da ya rike na tsawon shekaru shida.
Za a yi jana’izar shi gobe a babban Masallacin tarayya da ke Abuja bayan sallar jumma’a.
shugaban-hukumar-kwastan-ya-yi-ritaya
kano-daidaituwa-tsakanin-hukumar-kwastan-da-yan-kasuwa
hukumar-shiga-da-fice-ta-kama-kayan-biliyoyin-nairori
Karin bayani akan: Abdullahi Dikko Inde, Hukumar Kwastan, Nigeria, da Najeriya.