DandalinVOA na yi wa daukacin al’umma murnar sabuwar shekara ta 2018 wanda akan haka ne muka samu zantawa da wasu matasa dangane da bukatun da suke so su cimma tare da kudororinsu a wannan shekara ta 2018.
Abdukarim Buyaya, matashi ne kuma ya ce babban burinsa a wannan sabuwar shekara shine ya mallaki mota sa’annan yana fata Allah ya bashi damar yin aure, da kuma dai-daitar lamura a kasa baki daya tare da fatan shugabani zasu sakar wa marasa galihu dama domin a dama da su.
Shi kuwa Buhari Fagge babban burinsa bai wuce ya tsinci kansa yana aiki a gidajen jaridar kasashen waje ba.
Fatima ita kuwa fatan ta shine farashin komai ya sauka sa’annan tana da burin gyara wasu hallayen ta tare da fatan cikawa lafiya.
ku biyu mu domin jin wannan da ma wasu kudorori na matasa, daga karshe dandali dai na fatan yi wa al’umma murna shiga sabuwar shekara tare da cimma bukatu.
Your browser doesn’t support HTML5
Matasa Sun Baiyana Murna Da Bukatun Su A Sabuwar Shekara