A yayin da ake bukukuwan kirsimeti, Rev Fika Asabajen, Ecwa gospel center kuma sakataren kungiyar Can reshen jihar kano, ya bukaci ‘yan uwa kiristoci a duk fadin Najeriya, su yi amfani da wannan dama wajen yi wa kasa addu’ar zaman lafiya da kwanciyar hankali tsakanin dukkanin al’ummar Nijeriya.
Ya kara da cewa lokaci ne da ya kamata dukkan al’ummar Musulmi da kiristoci su fito su yi wa kasa addu’a mussaman ma a wannan halin matsi da kasar ta tsinci kanta a ciki.
Wakiliyar dandalinvoa ta kuma zanta da wasu mabiya adinin kirista dangane da farin cikin zagayowar ranar haihuwar Annabi Isa.
Malama Hauwa Suleman Dangora ta ce lokaci ne da ake koyi da rayuwar Yesu tare da sada zumunci da kuma raba kyaututtuka, Rev Fika, ya kara jan hankalin dukkanin ‘yan Najeriya, da su zauna lafiya domin cigaban Kasa baki daya.
Your browser doesn’t support HTML5
Matasa A Yiwa Kasa Addu'ar Zaman Lafiya - Inji Rev Fika