A jihar Kano, an gudanar da wani taron kasa da kasa don tattauna hanyoyin ceto kananan yaruka dangin yaren Chadi.
A jiya Talata ne aka fara wannan taron na kwanaki biyu, inda masana kimiyyar nazarin harsuna daga Jami’o'i da cibiyoyin nazarin ilimi mai zurfi daga ciki da wajen Najeriya ke gabatar da Makala.
Cibiyar bincike kan kimiyyar harsuna da fassara ta jami’ar Bayero a Kano, da hadin gwiwar sashen nazarin harsunan Najeriya, da na ketare na jami’ar ne suka shirya taron.
Taron Nazarin Ceto Kananan Harsunan Hausa A Jihar Kano
Taron ya maida hankali ne akan batun ceto kananan harsuna da aka fi sani da `yan gidan Chadi, wadanda galibin su ake amfani da su a yankin Arewa maso gabashin Najeriya, zuwa kasashen da ke makwabtaka da kasar ta wannan bangare.
Taron Nazarin Ceto Kananan Harsunan Hausa A Jihar Kano
Shugaban Jami’ar, Farfesa Muhammad Yahuza Bello ya yaba da rawar da cibiyar, da kuma sashen koyar da harsunan Najeriya na jami`ar ke takawa wajen bunkasa wannan fannin, ya jaddada cewa malamai da ke nazari akan harshen Hausa da dangoginsa na cikin jerin wadanda ke iya cin gajiyar tsarin tallafi kan bincike da nazari na hukumar TETFUND da ke tallafawa harkokin ilimi mai zurfi a Najeriya.
Taron Nazarin Ceto Kananan Harsunan Hausa A Jihar Kano
Jakadiyar kasar Poland a Najeriya, Ms. Joanna Tarnawska, ta ce taron manazarta irin wannan na karfafa dangantaka tsakanin al’umomin kasashe.
Taron ya kunshi bikin karrama Farfesa Nina Pawlak wadda ke koyar da harshen Hausa a Jami’ar Warsaw da ke kasar Poland.
Saurari rahoto cikin sauti daga jihar Kano.
Your browser doesn’t support HTML5
Kano: Manazarta Sun Tattauna Kan Ceto Wasu Kananan Harsunan Hausa