Ya ce “Ya kamata mu godewa majalisar dinkin duniya da ta mikawa duniya dokar cewa an daina cinikin bayi da bautar da mutane. Amma mun kuma lura cewa duk da haramtawar da aka yi, ana cigaba da bautarwar zamani sossai da sunar fasa-kwaurin bil’adama.
Har yanzu, ana sayan mutane don bautar dasu a wurare daban-daban, a wasuraren ma, yankasu ake yi Kuma a sayar da gabobin jikinsu a kasashen turai da kuma na nahiyar Asiya. Duniya ta san wannan na faruwa yanzu. In ba haka ba, me ke sa mutane tafiya daga kasar Libiya, daga sassan Afirka zuwa turai, zuwa da dai sauransu? Muna bukatar tambayar me yasa suke ta tururuwa zuwa kasashen ketare, kuma menene makomarsu?
Mun san ansha samun wasunsu a mace, jibge a motocin jigilar kayayyaki a kasashe daban-daban, kuma ta hakane ake rage yawan bakaken fata daga nahiyar Afirka. Ta hakane kuma ake rage wa Afirka karfi a fannonin tattalin arziki da siyasa da kuma shugabanci. Ya ce adadin ‘yan Afirka bakaken fatan da aka rasa a garin bautar dasu ya ma ninka na da.
Dakta Onuoha ya kara da cewa, ban da kebe wannan ranar don tunawa da cinikin bayi da haramtashi, ya kamata majalisar dinkin duniya ta tashi tsaye ta yaki safarar bil'adama.
Saurari rahoton Alphonsus Okoroigwe
Your browser doesn’t support HTML5
Malaman Jami'a Sunyi Tsokaci Kan Ranar Tunawa Da Haramta Cinikin Bayi - 3'41