Makasan Sheikh Goni Aisami Sun Bata Sunan Sojin Najeriya – Laftanar Janar Farouk Yahaya

Gabanin korar sojojin nan biyu da ake tuhuma da kashe babban malamin addinin Musulunci a Yobe, Sheikh Goni Aisami, a wata hira da shugaban Sashin Hausa na Muryar Amurka, Aliyu Mustapha Sokoto, babban hafsan sojojin kasa na Najeriya, Laftanar Janar Farouk Yahaya ya ce sojojin da suka yi aika-aikan sun bata sunan sojojin Najeriya, kuma duk hukuncin da doka ta tanadar a kan su, za a aiwatar da shi ba-sani-ba-sabo.