Majinyata a asibitin kwararru a jahar Filato sun shiga hali mara dadi, bayan daukacin ma’aikatan dake asibitin, in banda likitoci, suka shiga yajin aiki na sai yadda hali yayi.
WASHINGTON —
Ma’aikatan sun shiga yajin aikin ne don jan hankalin gwamnati ta biya su wadansu bukatunsu da suka jibanci albashi, alawus-alawus da kudaden adashen gata.
Wasu majinyata sun bayyana rashin jin dadinsu da yajin aikin, inda suka ce basu san inda zasu tafi ba, saboda basu da kudin zuwa asibitin kudi.
Shugaban kungiyar gamayyar kungiyoyin kwadago na asibitin, Mr. Ezekiel Makmang ya ce sun shiga yajin aikin ne saboda gwamnati ta kasa aiwatar da wadansu yarjejeniyoyi da suka amince.
Shugaban ma’aikatan jahar Filato bai maida amsar kira da sakon kar ta kwana da wakiliyar Muryar Amurka ta aike masa ba.
Saurari cikakken rahoton Zainab Babaji:
Your browser doesn’t support HTML5
Majiyanta Sun Shiga Wata Hali Biyo Bayan Yajin Aikin Ma'iakatan Asibiti
