Shugabannin duniya sun fara isowa birnin New York da ke Amurka, domin halartar babban taron Majalisar Dinkin Duniya, inda ake sa ran batun gwajin makamin nukiliyan Korea ta Arewa shi zai mamaye batutuwan da za a tattauna a kai.
WASHINGTON DC —
Kwamitin tsaron Majalisar Dinkin Duniya yana shirin gudanar da taronsa na shekara shekara kuma shugabanni da wakilai daga kasashe mambobi 193 sun fara isowa.
Shingaye da aka datse hanya dasu basu kawo cikas ga harkokin kasuwanci ba, acewar wani mai sayar da abinci a kan keke a cikin birnin New York da yake aiki a kusa da wurin taron a cikin yan watanni.
Matakan tsaro a duniya, ciki har da barazanan shirin makamin nukiliya na Korea ta Arewa, wanda yake cikin zukatan mahalartan taron na wannan mako.
A cikin batutuwa da babban taron zai tattauna akai, akwai batun dubban daruruwar musulmin Rohingya da suke arcewa daga birnin Rakhine na Myammar zuwa Bangladesh don kaucewa tashin hankali.