Ya rasu ne a birnin Nashville na jihar Tennessee da ke Amurka a ranar Juma’a kamar yadda ta sanar.
Washington D.C. —
Vernon Winfrey, mahaifin fitacciyar mai gabatar da shirye-shirye kuma kusa a fagen kafafen yada labarai a Amurka, Oprah Winfrey, ya rasu.
Shekarun Winfrey 89.
Oprah ce ta sanar da rasuwar mahaifin nata a shafinta na Instagram kamar yadda kamfanin dillancin labarai na AP ya ruwaito.
Ya rasu ne a birnin Nashville da ke jihar Tennessee a ranar Juma’a kamar yadda ta sanar.
“Tare da iyalansa a zagaye da shi akan gandonsa, na shaida yadda mutumin da ya yi dawainiya da rayuwata, ya yi numfashinsa na karshe.
“Mun ji yadda salama ta shiga dakin a lokacin da ya cika.” Oprah ta rubuta a shafin nata na Instagram.
Ba a dai bayyan shirye-shiryen yadda za a gudanar da jana’izarsa ba.