Fitaccen mawakin Hausa na zamani, Lilin Baba ya saki wani sabon kundi mai dauke da wakoki 14 wanda ya mai take da “Sounds From the North,” wato sautuka daga arewa.
WASHINGTON D.C. —
Kundin ya hada har da Allah-koron waka hudu.
Ya saki kundin ne a ranar Litinin, wanda ya gayyato shahararrun mawakan zamani da suka taya shi rera wakoki, wadanda suka hada da Adam A Zango, Umar M. Shareef, Ali Jitta, Soja Boy da kuma Bangis.
Lilin Baba wanda ya da waokokinsa irinsu “In Da Dadi,” ya saki wakoki a wannan kundi, wadanda suka hada da “Ahaiyye,” “Ba Wata,” da “Dan Mama.”
Sauran sun hada da “Overload” wacce ya gayyaci Adam A. Zango da “Farida” da ya gayyato Ali Jitta.
“Gobe ne fah, ubangiji Allah ya ba da sa’a” Lilin Baba wanda har Ila yau ya yi face da wakokin "Tsaya" da "Inda Inda," ya rubuta a shafinsa na Instagram a ranar jajiberin fitar da kundin.
Wakokin Allah-koron sun hada da “Awarwaro” “Voom,” “Tsaya” da kuma “In Da Dadi.”