Ita dai Gaga ta kasance daya daga cikin masu marawa Biden baya, inda akan ganta ta na bin gangamin yakin neman zabensa gabanin zaben watan Nuwambar bara.
Kwamitin da ya tsara bikin rantsar da Biden ne gayyaci Gaga inda ta rera taken kasar a ranar 20 ga watan Janairu, 2021.
Hakan ya sa Gaga ta yi maza ta shiga shafinta na Twitter, don nuna godiyarta da wannan karramawa da aka mata.
I am deeply honored to be joining @BidenInaugural on January 20 to sing the National Anthem and celebrate the historic inauguration of @JoeBiden and @KamalaHarris! 💙 pic.twitter.com/MfgcG3j4Aa
— Lady Gaga (@ladygaga) January 14, 2021
“Na yi matukar jin dadin wannan karramawa da aka min na shiga @BidenInaugural bikin rantsar da Biden a ranar 20 ga watan Janairu don na rera taken kasa a wannan biki mai dumbin tarihi na @joebiden da @kamalaharis!” Gaga ta rubuta a shafinta na Twitter.
Baya ga Gaga, wata mawakiya da aka gayyata ita ce J-Lo wacce ita ma ta bibiyi gangamin yakin neman zaben Biden gab da yin zabe.