Cristiano Ronaldo ya kara haurawa da Juventus saman teburin cin kofin gasar 'Seria A' ta Italiya bayan da ya zuba kwallaye biyu duka da ka a karawarsu da Crotone.
WASHINGTON D.C. —
Yanzu maki 8 ne tsakanin Inter Milan da ke saman teburin gasar da Juventus wacce ke da maki 45 yayin da Inter ke da maki 53.
Yanzu babu wanda ya fi Ronaldo yawan kwallaye a gasar ta Serie A a wannan kakar wasa, hakan na nufin ya wuce Romelu Lukaku na Inter Milan a yawan kwallaye.
Kwallaye 18 Ronaldo ya ci a wannan kakar wasa.
An tashi a wasan ne da ci 3-0, Weston McKennie ne ya ci wa Juventus kwallonta ta uku yayin da Ronaldo ya ci biyu.
AC Milan ce ke biye da Inter a teburin gasar ta Serie A da maki 49 yayin da Roma ke matsayi na hudu da maki 44.
A halin da ake ciki kuma a ranar Talata za a kara a gasar cin kofin zakarun nahiyar turai tsakanin Chelsea da Atletico Madrid.