Bayanai daga Birnin Aba dake jihar Abia na cewa komi ya lafa bayan fashewar wani bam ranar Asabar da ta gabata wanda ya raunata mutane amma bai kashe kowa ba.
Wasu mazauna Birnin sun shidawa Muryar Amurka jiya Lahadi abun da ya faru.
Alhaji Muhammad Tukura y ace wasu ne suka zo bayan an yi sallar isha’i suka tada bam da ya jikata mutane shida. An sallami hudu daga asibiti sauran biyun kuma suna nan kwance. Yau Litinin za’a yi masu tiyata a cire harsashan dake jikinsu.
An baza sojoji a Birnin domin tabbatar da tsaro kuma kawo yanzu hakan ya tabbata.
Shi ko Malam Garba Talley a yi amanna da bayanin Alhaji Tukura ind y ace sunfito salla ke nan sai wasu ‘yan iska suka tada bam. Allah ya takaita babu mutuwa sai dai rauni da mutane suka ji. Y ace mutane uku ne suka zo cikin keke napep tare da mace daya. Jami’an tsaro sun cafke daya daga cikinsu.
To sai dai kwamishanan yada labaran jihar Chief John Kalu ya musanta fashewar bam din saboda wai shi da gwamnan suna Birnin Aban bas u ji labarin fashewar komi ba.
Ga rahoton Alphonsus Okoroigwe da karin bayani
Your browser doesn’t support HTML5
Kura Ta Lafa Bayan Fashewar Bam a Birnin Aba, Jihar Abia- 3’ 57”