Kwanan nan gwamnatin Somaliya ta kaddamar da sumamen murkushe yan kungiyar kuma jami’an kasar Kenya sun ce yan yakin sa kan kungiyar suna dandanawa daga wannan mataki.
Jami’ai a birnin Mogadishu sunce akalla mutane takwas aka kashe, sha biyar kuma suka ji rauni a sakamakon tashin wani bam da aka boye cikin wata mota kusa tashar jiragen ruwan kasar
A kasar Kenya kuma, shedun gani da ido sunce jami’an tsaro guda takwas aka kashe a tashin bama bamai guda biyu dabam dabam da aka boye a gefen hanya a arewa maso gabashin kasar kusa da kan iyakar kasar da Somaliya.
A can kasar Indonesia ma, wasu hare haren kunar bakin wake sun girgiza wata tashar mota a Jakarta baban birnin kasar jiya Laraba, suka kashe akalla jami’an yan sanda guda uku.
Wasu jami’an yan sanda biyar da farar hula biyar ne suka ji rauni a hare haren. Ba’a dai tantance kungiyar da ke da alhakin kai hare haren ba. Amma a baya kungiyar ISIS tayi ikirarin kai hare hare makamancin wannan a kasar data fi kowace kasa yawan Musulmi a duniya.