A Jamhuriyar Nijar, kafafen yada labarai masu zaman kansu sun shiga yajin aiki na wuni guda a yau Litinin.
Yajin aikin wani mataki ne da kafafen yada labaran suka dauka da nufin nuna rashin jin dadinsu akan wani shirin bincike da gwamnatin kasar ke shirin kaddamarwa.
A ranar Larabar, hukumomin kasar shirin fara tantance wadanda suka biya haraji daga shekarar 2013 ya zuwa yanzu.
A kungiyar hadaklar kafafen yada labarai ta Nijar, wannan yunkuri ne na rufe bakin ‘yan jarida masu zaman kansu.
“A ka’ida wannan ba matsala ba ce, wanda ya saba biya a kowace shekara akwai takardu akwai komai, sannan bayan haka sai a zo a ce maka za a zo a duba shekara hudu ko biyar, za a zo a sake dubawa a ga ko ka biya ko baka biya ba, muna tsammanin akwai zan ce a kasa.” Inji Abdurrahman Mustapha Zangoma, mamba a kungiyar kafafen yada labaran.
Babban Magatakarda a ofishin Ministan sadarwa a Jamhuriyar ta Nijar, Aboulaye Coulibaly, ya ce yana cikin wani taro, a lokacin da wakilin Muryar Amurka, Sule Mumuni Barma ya nemi jin ta bakin gwamnati.
Saurari cikakken rahoton wakilinmu kan wannan lamari:
Your browser doesn’t support HTML5
Kafafen Yada Labarai Sun Shiga Yajin Aiki a Jamhuriyar Nijar - 3'15"