Tuni kuma abokan sana’arta da masoyanta suka yi ta taya ta murnar wannan aure tare da yi mata addu'ar samun zaman lafiya.
Washington D.C. —
Fitacciyar jarumar masana’antar Kannywood, Rashida Adamu Abdullahi (Mai Sa’a) ta shiga daga ciki.
An daura auren ne a ranar Asabar a birnin Kano da ke arewa maso yammacin Najeriya kamar yadda rahotanni suka nuna.
Tun a ranar Juma’a aka fara shagulgulan wannan biki wanda ya samu halartar manyan jarumai mata da maza da sauran masu ruwa da tsaki a harkar shirya fina-finai.
Tuni kuma abokan sana’arta da masoyanta suka yi ta taya ta murnar wannan aure tare da yi mata addu'ar samun zaman lafiya.
“Allah ya bada zaman lafiya kanwata @rashidamaisaa" In ji jarumi Ali Nuhu.
"Allah ya ba ku zaman lafiya." In ji Zainab Abdullahi 910.
"Allah ya sanya alheri." Nura Nayababa ya ce a shafin Facebook.