A cigaba da shirye shirye da akeyi na wasannin cin kofin wasa kwallon kafa na Dogarin Gwamnan jihar Bauchi DSP Adamu Ahmad, watau “ADC Cup 2017” a karo na uku, Wanda akeyi aduk shekara domin tuna da tsofaffin ‘yanwasa kwallon kafa da suka haura shekaru arba'in da biyar da haihuwa.
A ranar Asabar an fidda jaddawalin rukuni rukuni da zasu kara a tsakanin bisa tsarin rukuni hudu .
A rukunin (A) akwai masu rike da kambun gasar Spartans FC, sai M A 2019 FC, da kuma Bauchi FC, da Horse Power FC.
Rukunin (B)
Ajiya Adamu Fc, Nasara United FC, Young Babies FC, Flaying Flamingo FC.
Rukunin (C)
Mighty Pillars FC, Monaco FC, PMB United FC, Eleven Planners FC.
Rukunin (D)
Makera United FC, Dawaki Old Stars FC, Bakari Dukka Old Stars FC.
An gudanar da wannan aikin ne karkashin jagoranci shugaban shirya wasan Alh Ibrahim Wali da hadin Guiwar hukumar shirya wasannin kwallon kafa na jihar Bauchi (FA) da hukumar Alkalan wasanni na jihar da kuma ‘yan jarida da wakilan kungiyoyi goma sha shida da zasu kara a tsakaninsu.
Za'a fara wasannin ne ranar Jumma'a 10/11/2017 tsakanin kungiyar Spartans FC da MA 2019 FC a filin kwallon Kobi dake cikin garin Bauchi, ana sa ran Gwamna Muhammadu Abdullahi Abubakar ya kasance babban bako.