Gwamnatin kasar ta ce, dakatar da kai hare-hare a kudancin Gaza zai ci gaba da aiki har zuwa wani dan lokaci nan gaba, don ba manyan motocin agaji damar isa mashigar Kerem Shalom da ke karkashin ikon Isra'ila, wato babbar hanyar shigar da kayan agaji.
Kananan yara suna layi su karbi abinci a sansanin 'yan gudun hijira da keJabalia
Daga nan manyan motocin za su bi ta wata babbar hanya da ke kusa don kai kayan abinci da magunguna zuwa wasu sassan Gaza.
Tsagaita wuta da kai hare-haren da sojoji suka sanar, zai yi aiki ne a tazarar kilomita 12 a kan hanya a yankin Rafah amma ba zai yi aiki a Gaza ba, inda kasashen duniya ciki har da Amurka babbar abokiyar kawancen Isra’ila ke kokarin ganin Isra'ilar da Hamas sun cimma tsagaita wuta.
Palasdinawa su na Sallah Idi a Khan Yunis da ke kudancin Gaza
Kudurin tsagaita wutar da ake shirin yi zai dakatar da fada a duk fadin Gaza tsawon makonni 6, ya kuma bukaci a sako karin mutanen da Hamas ta yi garkuwa da su, da za a musaya da Falasdinawan da Isra'ila ke tsare da su.