Hukumar FIFA Zata Ayyana Zakaran Shekarar 2018

WASHINGTON DC, — 

Aranar litinin hukumar kula da wasan kwallon kafa ta duniya zata bayyana sunan dan wasa daya tilo a cikin mutane uku da aka ware wanda ya samu nasarar lashe Kyautar dan wasan kwallon kafa na duniya na shekarar 2018, tsakanin Cristiano Ronaldo, dan wasan gaba na Juventus, Luka Modric, dan kasar Croatia mai taka leda a kungiyar kwallon kafa ta Real Madrid, da kuma Mohammed Salah, daga kungiyar Liverpool.

Shi dai Cristiano Ronaldo shine dan wasan da ya lashe wannan Kyautar har sau biyar a bana ya taimaka wa kungiyar kwallon kafa ta Real Madrid ta lashe kofin zakarun turai karo na uku a Jere.

Luka Modric kuwa ya taimaka wa kasarsa ta Croatia ta kai ga wasan karshe na cin kofin duniya na 2018 inda ta kare a mataki na biyu, kuma ya samu kyautar dan wasa mafi hazaka a gasar, bayan haka shima yana cikin tawagar kungiyar Real Madrid da ta lashe kofin zakarun turai a bana.

Ku Duba Wannan Ma Christiano Ronaldo Ya Fita Daga Filin Wasa Yana Kuka

Mohammed Salah, ya tallafa wajan ganin kasarsa ta haihuwa Masar ta samu tikitin zuwa gasar cin kofin duniya na 2018 duk da dai an cire ta tun a matakin rukuni haka kuma a kakar wasan da ta gabata ya zurara kwallaye har guda 44 a wasan da ya buga wa kungiyarsa ta Liverpool inda ya samu lambobin yabo da dama wadanda suka hada da gwarzon dan wasan kwallon kafa na Afirka.

Hukumar FIFA Zata Ayyana Zakaran Shekarar 2018 2'20"