Kungiyar kwallon kafa ta Real Madrid ta bakin mai horar da kungiyar Zinedine Zidane, tace ya zama tilas su sayar da dan wasan sun a gaban mai suna Gareth Bale, in har sun samu nasarar sayen matashin dan wasan Monaco Kylian MBappe, wanda shima tuni ya nuna sha'awarsa na barin kingiyar Monaco a bana.
Ita kuwa Manchester United, tace zata sa kafa wajan ganin ta sayo dan wasan na Real Madrid, Gareth Bale, da zaran kungiyar ta bukaci sayar dashi, tuni Manchester ta kebe fam miliyan £90 akan sayan dan wasan.
An gabatar da Neymar ga kungiyar Paris Saint German, shi dai dan wasan ya rattaba hannu ne domin murzawa kungiyar ta Paris Saint German, leda har na tsawon shekaru biyar akan zunzurutun kudi yuro miliyan €222, wanda ya bashi damar zama dan wasa mafi tsada a tarihin kwallon kafa a duniya.
Diego Costa ta bakin lauyansa yace yana da bukatar barin kungiyarsa ta Chelsea.
Shima Eden Hazard na Chelsea yace yana sha'awar Komawa kungiyar Barcelona, wanda dama Barcelona ta nuna sha'awarta akan dan wasan.
Your browser doesn’t support HTML5
Hada Hadar Zaratan 'Yan Wasan Kwallon Kafa Na Duniya - 3'40"