Kungiyar kwallon kafa ta Barcelona ta kasar Spain na zawarcin dan wasan gaba na Valencia Paco Alcacer kuma ana sa ran kammala cinikin kafin rufe hada hadar ‘yan wasa a karshen watan Agusta da muke ciki.
Haka kuma Valencia ta umurci kungiyar kwallon kafa ta Arsenal tabiya zunzurutun kudi har fan miliyan £50 in har tana bukatar dan wasanta mai suna Mustafi. Arsenal tana bukatar dan wasan ne domin maye gurbin Per Mertesaker, da ya sami rauni.
Itama Westham na neman dan wasan gaba na Man City mai suna Wilfried Bony, akan kudi fan miliyan £28.
Inter Milan taki amincewa da tayin da Chelsea tayi mata na fan miliyan £30 don sayen dan wasanta mai suna Alessio Romagnoli.
Juventus kuwa tasa kudi har fan miliyan £50, akan dan wasan PSG Matuidi, domin ya maye gurbin Paul Pogba, wanda ya koma Man Utd akakar wasan bana.
A Nigeria kuwa sabon mai horas da ‘yan wasan Super Eagles, dan kasar Jamus Gernot Rohr, zai karbi dala dubu $47 kwatankwacin Naira miliyan #15 kudin Nigeria, inda abaya ake ba tsohon mai horas da Kungiyar ta Super Eagles Sunday Oliseh, miliyan 5 kacal duk wata.
Gernot Rohr
Your browser doesn’t support HTML5
Hada Hadar Kasuwanci Da Zawarcin Zaratan 'Yan Wasan Kwallon Kafa Na Duniya